21.11.2016 | 18:04
Í draumi sérhvers manns...
Lengi vel átti ég brösótt samband við ljóð Steins Steinars sem hefst á orðunum í yfirskrift pistilsins. Átti erfitt með að skilja hvernig hann gat skrifað að í draumi sérhvers manns væri fall hans falið. Ég velti því fyrir mér hvort merking hans væri sú að draumar ættu ekki rétt á sér.
Samhengið skorti
Nýlega laukst upp fyrir mér að sennilega hefði mig skort samhengi til að skilja ljóðið. Draumar mínir hafa nefnilega flestir orðið að veruleika án mikillar fyrirhafnar. Það er mikið lán að standa á fertugu og geta sagt svona. Því fylgir þó alls ekki dramb, heldur djúpt þakklæti af minni hálfu.
En aftur að því hvers vegna mér jókst skilningur á ljóðinu góða. Það var nefnilega þannig að síðastliðinn vetur reyndi ég allt sem ég gat til að hrinda af stað atburðarás sem hafði þann tilgang einan að uppfylla gamlan draum.
En allt kom fyrir ekki. Mér tókst ekki ætlunarverkið.
Það var þá sem ég áttaði mig á að draumurinn hafði myndað sjálfstætt líf sem ógnaði mér. Hann hafði vaxið í dimmri þögn með dularfullum hætti. Ég upplifði að ég minnkaði samhliða því sem draumsins bákn reis. Að lokum féll ég fyrir draumi mínum, í fullkominni uppgjöf sigraðs manns. En það var þá sem ég áttaði mig. Ég vildi nefnilega ekki verða draumur hans.
Upprisa draumsins
Einn morguninn reis ég úr rekkju og tók ákvörðun. Ég ákvað að sleppa tökunum á þessum draumi. Þó ekki væri nema um stundarsakir. Þetta reyndist góð ákvörðun því það var sem þungu fargi væri af mér létt.
Það merkilega var að þegar ég megnaði að sleppa tökunum á draumnum, hætti hann að stjórna lífi mínu.
Skömmu síðar tóku atburðir að gerast sem allir miða að því að þessi draumur verði að veruleika um síðir. Atburðirnir voru þó þannig að mig hefði ekki getað órað fyrir þeim. Ég hefði með engu móti geta leikstýrt þessarri atburðarás.
Áttu þér draum í leynum?
Á þessum tíma árs huga margir að uppgjöri ársins, samhliða því að leggja drögin að markmiðum komandi árs. Nú er því tilvalið að dusta rykið af gömlum draumum. En til þess að draumar geti fengið byr undir báða vængi, þarf gjarnan fjármagn. Það er helst skortur á fjármagni sem veldur því að margir draumar deyja án þess að hafa nokkurn tíma öðlast nokkurt líf.
Draumasjóður
Eitt af því sem þátttakendur í netnámskeiðinu, Fjárhagslegt frelsi á 12 vikum gera er að búa til kerfi utan um fjármálin sín, sem miðar að því að búa sér líf sem heiðrar kjarnagildin manns.
Oft erum við svo föst í hringiðu atburða sem við upplifum að við höfum enga stjórn á, að við gleymum að staldra við. Brauðstritið tekur yfir og draumarnir hrekjast á brott án þess að við virðum þá viðlits.
Um síðir kemur sá dagur í lífi okkar flestra að við lítum yfir farinn veg. Viðtalsrannsóknir meðal þeirra sem komnir eru á efri ár hafa leitt í ljós að fólk sér frekar eftir því sem það aldrei kom í verk en því sem það gerði. Þessvegna er góð hugmynd að hafa gott kerfi um fjármálin. Þannig geturðu gert ráðstafanir svo þú getir valið að glæða drauma þína lífi.
Í draumi sérhvers manns
Í draumi sérhvers manns er fall hans falið.
Þú ferðast gegnum dimman kynjaskóg
af blekkingum, sem brjóst þitt hefur alið
á bak við veruleikans köldu ró.
Þinn draumur býr þeim mikla mætti yfir
að mynda sjálfstætt líf, sem ógnar þér.
Hann vex á milli þín og þess, sem lifir,
og þó er engum ljóst, hvað milli ber.
Gegn þinni líkamsorku og andans mætti
og öndvert þinni skoðun, reynslu og trú,
í dimmri þögn, með dularfullum hætti
rís draumsins bákn og jafnframt minnkar þú.
Og sjá, þú fellur fyrir draumi þínum
í fullkominni uppgjöf sigraðs manns.
Hann lykur um þig löngum armi sínum,
og loksins ert þú sjálfur draumur hans.
Steinn Steinarr
(Ferð án fyrirheits, 1942.)
Eldri færslur
- Desember 2020
- Október 2020
- September 2020
- Maí 2020
- Desember 2019
- Desember 2018
- Nóvember 2018
- September 2018
- Ágúst 2018
- Maí 2018
- Mars 2018
- Febrúar 2018
- Janúar 2018
- Desember 2017
- Nóvember 2017
- September 2017
- Ágúst 2017
- Júní 2017
- Maí 2017
- Apríl 2017
- Mars 2017
- Febrúar 2017
- Janúar 2017
- Desember 2016
- Nóvember 2016
- Október 2016
- September 2016
- Ágúst 2016
- Júlí 2016
- Júní 2016
- Maí 2016
- Apríl 2016
- Mars 2016
- Febrúar 2016
- Janúar 2016
- Desember 2015
- Nóvember 2015
- Október 2015
- September 2015
- Ágúst 2015
- Júlí 2015
- Júní 2015
- Maí 2015
- Apríl 2015
- Mars 2015
- Febrúar 2015
- Janúar 2015
Af mbl.is
Íþróttir
- Verður lærisveinn Hannesar
- Átti leik lífs síns gegn toppliðinu
- Fylgjendurnir hrannast inn á Instagram
- Varð fyrir áreiti frá allskonar fólki
- ÍR aftur í úrvalsdeild
- Enski dómarinn með parkinsonssjúkdóminn
- Alonso tekur ekki við Liverpool
- Skulda Hollywood-stjörnunum 1,6 milljarða
- Bikarmeistararnir unnu og Valur deildarmeistari
- Þetta sigurmark var himnasending fyrir mig
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.